ഒടുവിൽ മക്കാ കരാർ യാഥാർഥ്യമായി; സൗദിക്കൊപ്പം അണിനിരന്ന് തുർക്കിയും പാകിസ്ഥാനും, ഹൂത്തികൾക്കെതിരെ യുദ്ധം ​ഗതിമാറി

ദുബൈ: ഹൂത്തി വിമതർക്കെതിരെ സൗദി അറേബ്യക്കൊപ്പം തുർക്കിയും പാകിസ്ഥാനും കളംനിറയുന്നു. ചരിത്രപരമായ 'മക്കാ കരാറി'ന്റെ ഭാഗമായി ചേർന്ന അടിയന്തര യോഗത്തിലാണ് സംയുക്ത സൈനിക സഹകരണത്തിന് ധാരണയായത്. ഇതോടെ വർഷങ്ങളായി തുടരുന്ന യെമൻ യുദ്ധം നിർണായക തിരിവിലേക്ക് കടക്കുകയാണ്.

ഹൂത്തി ഭീഷണിയെ സംയുക്തമായി ചെറുത്തുതോൽപ്പിക്കുമെന്ന് സൗദി, തുർക്കി, പാകിസ്ഥാൻ രാജ്യങ്ങൾ സംയുക്ത പ്രസ്താവനയിലൂടെ വ്യക്തമാക്കി. തന്ത്രപ്രധാനമേഖലയായ ബാബ് അൽ മന്ദബ് ഹൂത്തികളിൽ നിന്ന് തിരിച്ചുപിടിക്കുമെന്ന് സൗദി സഖ്യസേന പ്രഖ്യാപിച്ചിട്ടുണ്ട്. തുർക്കിയും പാകിസ്ഥാനും യെമൻ മണ്ണിലേക്ക് നേരിട്ട് സൈനികവിന്യാസം നടത്തുമോയെന്നാണ് ലോകരാജ്യങ്ങൾ ഉറ്റുനോക്കുന്നത്.

അൽ മോഖ തിരിച്ചുപിടിച്ച് യെമൻ സേന സഖ്യസേനയുടെ പിൻബലത്തിൽ നീക്കം ശക്തമാക്കിയ യെമൻ സർക്കാർ സൈന്യം അൽ മോഖ തുറമുഖ നഗരവും തായിസിന്റെ ഭൂരിഭാഗം പ്രദേശങ്ങളും ഹൂത്തികളിൽ നിന്ന് തിരിച്ചുപിടിച്ചതായി റിപ്പോർട്ടുകളുണ്ട്.

ആക്രമണം കടുപ്പിച്ച് ഹൂത്തികൾ അതേസമയം, തിരിച്ചടി ശക്തമാക്കിയ ഹൂത്തികൾ 200 സൗദി സൈനികരെ വധിച്ചതായി അവകാശപ്പെട്ടു. റിയാദിലെ കിങ് ഖാലിദ് അന്താരാഷ്ട്ര വിമാനത്താവളം, ഖമീസ് മുഷൈത്ത് വ്യോമതാവളം, അബഹ വിമാനത്താവളം, അരാംകോ റിഫൈനറി എന്നിവ ലക്ഷ്യമിട്ട് ഹൂത്തികൾ തുടർച്ചയായി ആക്രമണം നടത്തുന്നുണ്ട്.