രാഷ്ട്രപതിയെ കാണാൻ ഇന്ത്യാസഖ്യം, നാളെ കാണാൻ 10 നേതാക്കൾക്ക് രാഷ്ട്രപതി ഭവൻ അനുമതി നൽകിയേക്കും
Nazeema
സ്റ്റാഫ് റിപ്പോർട്ടർ
രാഷ്ട്രപതിയെ കാണാൻ ഇന്ത്യാ സഖ്യത്തിലെ 10 നേതാക്കൾക്ക് നാളെ അനുമതി നൽകിയേക്കും; 15 പേർക്ക് അനുമതി ചോദിച്ച വിഷയത്തിൽ കോൺഗ്രസ് ഇന്ന് ചർച്ച നടത്തും. സമാജ്‌വാദി പാർട്ടിയുമായുള്ള അഭിപ്രായവ്യത്യാസങ്ങൾ പരിഹരിച്ചെന്നും വിഷയം സജീവമായി നിലനിർത്തുമെന്നും മുന്നണി നേതാക്കൾ അറിയിച്ചു.
ന്യൂഡൽഹി: രാഷ്ട്രപതി ദ്രൗപദി മുർമുവിനെ കാണാൻ ഇന്ത്യാ സഖ്യത്തിന്റെ പ്രതിപക്ഷ സംഘത്തിന് അനുമതി ലഭിച്ചേക്കും. നാളെ 10 നേതാക്കൾക്ക് രാഷ്ട്രപതി ഭവനിൽ കൂടിക്കാഴ്ച നടത്താൻ അനുമതി നൽകിയേക്കുമെന്നാണ് വിവരം.
15 അംഗ പ്രതിനിധി സംഘത്തിന് അനുമതി നൽകണമെന്നായിരുന്നു ഇന്ത്യാ സഖ്യം രാഷ്ട്രപതി ഭവനോട് ആവശ്യപ്പെട്ടിരുന്നത്. രാഷ്ട്രപതി ഭവനിൽ നിന്നുള്ള നിർദേശം ഇന്ന് ചേരുന്ന യോഗത്തിൽ പ്രതിപക്ഷ നേതാക്കൾ ചർച്ച ചെയ്യുമെന്ന് കോൺഗ്രസ് അറിയിച്ചു.
അതേസമയം, സമാജ്‌വാദി പാർട്ടിയുമായി നിലനിന്നിരുന്ന ആശയക്കുഴപ്പങ്ങൾ പരിഹരിച്ചതായി മുതിർന്ന നേതാക്കൾ വ്യക്തമാക്കി. വിഷയം ഇന്നും രാഷ്ട്രീയമായി സജീവമായി നിലനിർത്താനാണ് പ്രതിപക്ഷ മുന്നണിയുടെ ധാരണ.
