ഇന്ത്യ മുന്നണി യോഗത്തിൽ ആദ്യമായി ടിവികെ; തിരഞ്ഞെടുപ്പ് കമ്മീഷനെതിരെ പ്രതിഷേധത്തിന് നീക്കം

ചെന്നൈ: നടൻ വിജയ് അധ്യക്ഷനായ തമിഴക വെട്രി കഴകം (ടി.വി.കെ) ആദ്യമായി 'ഇൻഡ്യ' മുന്നണി കൺസൾട്ടേറ്റീവ് യോഗത്തിൽ പങ്കെടുത്തു. ചെന്നൈ സത്യമൂർത്തി ഭവനിൽ ചേർന്ന പ്രതിപക്ഷ നേതാക്കളുടെ യോഗത്തിലാണ് ടി.വി.കെ പ്രതിനിധികൾ എത്തിയത്. വോട്ടർപട്ടികയിലെ വിപുലമായ ക്രമക്കേടുകളിലും തിരുത്തലുകളിലും പ്രതിഷേധിച്ച് തെരഞ്ഞെടുപ്പ് കമീഷനെതിരെ പ്രക്ഷോഭം സംഘടിപ്പിക്കുന്നതിനാണ് യോഗം വിളിച്ചുചേർത്തത്.

ടി.വി.കെ ഇലക്ഷൻ വിഭാഗം ജനറൽ സെക്രട്ടറി ആധവ് അർജുന, ധനമന്ത്രി മരിയ വിൽസൺ എന്നിവരാണ് യോഗത്തിൽ പാർട്ടിയെ പ്രതിനിധീകരിച്ചത്. വിജയിയുടെ നേതൃത്വത്തിൽ കഴിഞ്ഞ സെപ്റ്റംബറിൽ രൂപവത്കരിച്ച ‘സെക്യുലർ സോഷ്യൽ ജസ്റ്റിസ് വിക്ടറി അലയൻസ്’ തമിഴ്‌നാട്ടിലെ ഇൻഡ്യ മുന്നണിയുടെ ഭാഗമാണെന്നും അതിന്റെ തുടർച്ചയായാണ് യോഗത്തിൽ പങ്കെടുത്തതെന്നും ടി.വി.കെ ദേശീയ വക്താവ് ഫെലിക്സ് ജെറാൾഡ് വ്യക്തമാക്കി.

കോൺഗ്രസ്, വി.സി.കെ, എം.ഡി.എം.കെ, മുസ്ലിം ലീഗ് ഉൾപ്പെടെയുള്ള ഘടകകക്ഷി നേതാക്കളും യോഗത്തിൽ സംബന്ധിച്ചു. തെരഞ്ഞെടുപ്പ് കമീഷന്റെ ഏകപക്ഷീയമായ നടപടികൾക്കെതിരെ പ്രതിഷേധം ശക്തമാക്കാൻ മുന്നണി തീരുമാനിച്ചു.

തമിഴ്‌നാട് നിയമസഭാ തെരഞ്ഞെടുപ്പ് ആസന്നമായിരിക്കെ, ടി.വി.കെ ഇൻഡ്യ മുന്നണി യോഗത്തിൽ സംബന്ധിച്ചത് സംസ്ഥാന രാഷ്ട്രീയത്തിൽ പുതിയ ചലനങ്ങൾ സൃഷ്ടിച്ചിട്ടുണ്ട്.