ലൈഫ് പദ്ധതി തുടരുമെന്ന് മുഖ്യമന്ത്രി വി‍ഡി സതീശൻ; 'ഭവനരഹിതരില്ലാത്ത കേരളമാണ് സർക്കാരിൻ്റെ ലക്ഷ്യം

തിരുവനന്തപുരം: സംസ്ഥാനത്ത് ഭവനരഹിതരില്ലാത്ത കേരളമാണ് സർക്കാറിന്റെ ലക്ഷ്യമെന്ന് മുഖ്യമന്ത്രി വി.ഡി. സതീശൻ. ലൈഫ് പദ്ധതിയുമായി മുന്നോട്ടുപോകുമെന്നും പദ്ധതിയിൽ ഉൾപ്പെട്ടിരുന്ന മത്സ്യത്തൊഴിലാളികളെ ഇത്തവണ ബജറ്റിൽ മാറ്റിനിർത്തി അവർക്കായി പ്രത്യേക ഭവന പദ്ധതി നടപ്പാക്കുമെന്നും അദ്ദേഹം വ്യക്തമാക്കി. തിരുവനന്തപുരത്ത് ഷീ സ്‌കൂട്ടറുകളുടെ വിതരണോദ്ഘാടനം നിർവഹിച്ച് സംസാരിക്കുകയായിരുന്നു മുഖ്യമന്ത്രി.

​വിഴിഞ്ഞത്ത് ഉൾപ്പെടെ പ്രാദേശിക മത്സ്യത്തൊഴിലാളികൾക്ക് ജോലി നൽകാൻ കർശന നിർദേശം നൽകിയിട്ടുണ്ടെന്നും മുഖ്യമന്ത്രി കൂട്ടിച്ചേർത്തു.

​ലൈഫ് മിഷൻ പദ്ധതിയിലൂടെ കൂടുതൽ കുടുംബങ്ങൾക്ക് അടച്ചുറപ്പുള്ള വീടുകൾ ലഭ്യമാക്കാനാണ് സര്‍ക്കാര്‍ ലക്ഷ്യമിടുന്നത്. ഇതിന്റെ ഭാഗമായാണ് കടലോര മേഖലയിലുള്ളവരുടെ പുനരധിവാസത്തിന് പ്രത്യേക ശ്രദ്ധ കേന്ദ്രീകരിച്ച് പുതിയ പദ്ധതി കൊണ്ടുവരുന്നതെന്നും അദ്ദേഹം വിശദീകരിച്ചു.