ഹോട്ടലുടമകൾക്ക് വീണ്ടും ഇരുട്ടടി; രാജ്യത്ത് വാണിജ്യ എൽപിജി സിലിണ്ടർ വില കൂട്ടി, ഗാർഹിക സിലിണ്ടർ വിലയിൽ മാറ്റമില്ല

​കൊച്ചി:രാജ്യത്ത് വാണിജ്യ ആവശ്യങ്ങൾക്കുള്ള എൽ.പി.ജി സിലിണ്ടറുകളുടെ വില വീണ്ടും വർധിപ്പിച്ചു. 19 കിലോഗ്രാം സിലിണ്ടറിന് 62.50 രൂപയുടെ വർധനവാണ് വരുത്തിയത്. പുതുക്കിയ വില വ്യാഴാഴ്ച മുതൽ നിലവിൽ വന്നു.

​വില വർധനവോടെ കൊച്ചിയിൽ വാണിജ്യ സിലിണ്ടറിന്റെ വില 2,852 രൂപയായി ഉയർന്നു. ചെന്നൈയിൽ 66.50 രൂപയാണ് വർധിച്ചത്. എന്നാൽ ഗാർഹിക ആവശ്യങ്ങൾക്കുള്ള പാചകവാതക സിലിണ്ടറുകളുടെ വിലയിൽ മാറ്റമില്ല.

​ഓഗസ്റ്റിൽ വില കുറച്ചതിന് ശേഷം തുടർച്ചയായി രണ്ടാം മാസമാണ് വാണിജ്യ എൽ.പി.ജിക്ക് വില കൂട്ടുന്നത്. നവരാത്രി ഉൾപ്പെടെയുള്ള ഉത്സവ സീസണുകളിലേക്ക് കടക്കാനിരിക്കെയുണ്ടായ വിലവർധനവ് ഹോട്ടലുകൾ, റെസ്റ്റോറന്റുകൾ, കാറ്ററിങ് സ്ഥാപനങ്ങൾ, ചെറുകിട വ്യവസായങ്ങൾ എന്നിവയുടെ പ്രവർത്തനച്ചെലവ് ഗണ്യമായി വർധിപ്പിക്കും. ഇത് ഹോട്ടൽ മേഖലക്ക് വലിയ തിരിച്ചടിയാണ്