ബിഗ് ബോസ് താരം ഡോ. റോബിൻ രാധാകൃഷ്ണൻ മാതാപിതാക്കളുടെ വിവാഹ വാർഷിക ദിനത്തിൽ അന്തരിച്ച അമ്മയെ ഓർത്ത് ഹൃദയസ്പർശിയായ കുറിപ്പ് പങ്കുവെച്ചു. അമ്മയുടെ വേർപാടും അത് നൽകുന്ന വേദനയും ഓർമിപ്പിക്കുന്ന വൈകാരികമായ വരികളാണ് റോബിൻ ഇൻസ്റ്റഗ്രാമിൽ കുറിച്ചത്.
മദ്യപിച്ച് വാഹനമോടിച്ച 41 സ്വകാര്യ ബസ് ഡ്രൈവർമാർക്കെതിരെയും അലക്ഷ്യമായ ഡ്രൈവിങ്ങിന് 71 പേർക്കെതിരെയും കൊച്ചിയിൽ കേസ് എടുത്തു. കൂടാതെ, തുടർച്ചയായി ഹോൺ മുഴക്കിയത് ഉൾപ്പെടെ വിവിധ നിയമലംഘനങ്ങൾക്കായി 1,891 പെറ്റി കേസുകളും പൊലീസ് രജിസ്റ്റർ ചെയ്തു.
**ന്യൂഡൽഹി:** 'ഒരു രാജ്യം ഒരു തിരഞ്ഞെടുപ്പ്' ബില്ലുമായി ബന്ധപ്പെട്ട് ഭാവിയിൽ ഹരജികൾ പരിഗണനയിൽ വരാൻ സാധ്യതയുള്ളതിനാൽ സംയുക്ത പാർലമെന്ററി കമ്മിറ്റിയുമായി (ജെ.പി.സി) ഒക്ടോബർ ആറിന് നിശ്ചയിച്ചിരുന്ന കൂടിക്കാഴ്ച സുപ്രീംകോടതി നിരസിച്ചു. അധികാര വിഭജനത്തിന്റെ ലംഘനമെന്ന വിമർശനത്തിനിടെയാണ് ചീഫ് ജസ്റ്റിസും മുതിർന്ന ജഡ്ജിമാരുമായുള്ള യോഗം റദ്ദാക്കിയ വിവരം സെക്രട്ടറി ജനറൽ രേഖാമൂലം ജെ.പി.സിയെ അറിയിച്ചത്.
